Ռուսաստանի նախագահ Վլադիմիր Պուտինը փետրվարի 4-ին Պուշկինի մեդալ է շնորհել Երևանի Կոնստանտին Ստանիսլավսկու անվան ռուսական դրամատիկական թատրոնի տնօրեն Ֆրեդերիկ Դավթյանին: Մեդալը շնորհվել է Ռուսաստանի Դաշնության հետ բարեկամության և համագործակցության, մշակութային կապերի ամրապնդման և խորացման գործում նշանակալի ավանդի համար: Համապատասխան հրամանագիր Ռուսաստանի նախագահը ստորագրել է փետրվարի 4-ին: Այն հարապարակվել է նախագահի պաշտոնական կայքում երեքշաբթի՝ փետրվարի 10-ին: Այդ մասին հայտնում է Ստանիսլավսկու անվան թատրոնի հասարակայնության հետ կապերի բաժինը: Երևանում Կոնստանտին Ստանիսլավսկու անվան ռուսական պետական դրամատիկական թատրոնը հիմնադրվել է 1937 թվականին: Այն մեծ իրադարձություն էր Խորհրդային Հայաստանի մշակութային կյանքում: Ռուսական թատրոնը Հայաստանի սոցիալական և մշակութային կյանքի անքակտելի բաղկացուցիչն է:
