Խորհրդարանն այսօր՝ հունիսի 16-ին, հավանություն տվեց «Բարգավաճ Հայաստան» խմբակցության ղեկավար Գագիկ Ծառուկյանին ազատությունից զրկելու գլխավոր դատախազի միջնորդությանը։ Փակ քվեարկությամբ միջնորդության բավարարմանը կողմ է հանդես եկել 87 պատգամավոր։ «Լուսավոր Հայաստան»-ն ու ԲՀԿ-ն քվեարկությանը չեն մասնակցել։ Ավելի վաղ խորհրդարանը քննարկել և քվեարկել էր Ծառուկյանին պատգամավորական անձեռնմխելիությունից զրկելու օգտին։ «Իմ քայլը» խմբակցության 86 անդամներն ու անկախ պատգամավոր Արման Բաբաջանյանը «կողմ» էին քվեարկել։ Ծառուկյանն անցնում է 2017-ի խորհրդարանական ընտրությունների ժամանակ «Ծառուկյան» դաշինքի կողմից ընտրակաշառքի բաժանման դեպքերով հարուցված քրեական գործով։ Ներկա պահին Գագիկ Ծառուկյանը ԱԱԾ-ում մասնակցում է հարցաքննության։
