Սիրելի հայրենակիցներ, Ճրագալույցի երեկո ՝ եւ ես ուզում եմ սաղմոսով շնորհավորել Սորբ ծնունդը: Այս մասին իր եւղերձում նշել է ՀՀ վարչապետ Նիկոլ Փաշինյանը:
Նա նշել է. «Սաղմոս 24.
Աղոթք վտանգի պահին, այսուհետեւ սաղմոս Դավթի:
Դեպի քեզ Տեր բարձրացրի հոգիս, Աստված իմ, քեզ վրա դրի հույսն իմ, թող ամոնթով չմնամ, եւ թշնամիներս չծիծաղեն ինձ վրա:
Բոլոր նրանք, որոնք հույսով սպասում են քեզ, ամոթով պիտի չմնանա, այլ ամոթով պիտի մնան անօրեններն իրենց ունայնության մեջ:
Տեր ցույց տուր ինձ քո ճանապարհները եւ քո շավիղները սովորեցրու ինձ:
Ինձ առաջնորդին քո ճշմարտության մեջ եւ ուսուցանիր ինձ, քանզի դու ես փրկիչ Աստվածն իմ ու ես հանապազ քեզ եմ սպասում:
Հիշիր Տեր քո գթություններն ու ողորմությունները, որոնք հավիտենական են: Իմ մանկության ու տհասության մեղքերը մի հիշիր, այլ հիշիր ինձ Տեր քո ողորմությամբ, ըստ քո բարության, քանզի դու քաղցր եւ ուղիղ ես Տեր:
Դրա համար էլ մեղավորներին դնում ես օրենքի գիտության ճանապարհի վրա: Հեզերին առաջնորդում ես դատաստանի մեջ, հեզերին սովորեցնում քո ճանապարհները:
Տիրոջ բոլոր ուղիները ողորմություն ու ճշմարտություն են նրանց համար, որոնք պահում են նրա ուխտն ու վկայությունը: Հանուն քո անվան, Տեր, քավություն տուր իմ մեղքերին, քանզի շատացան դրանք: Ո՞վ է այն մարդը, որը վախենում է Տիրոջից, Տերը նրան սովորեցնելու է իր ընտրած ուղինԼ: Նա բարության մեջ պիտի հանգչի, նրա սերունդը երկիրը պիտի ժառանգի:
Տերը զորացուցիչն էր երկյուղածների եւ իր ուխտը նրանց է սովորեցնում: Աչքերն իմ մշտապես Տիրոջն են ուղղված եւ նա պիտի հանի ոտքերս թակարդից:
Նայիր ինձ եւ ողորմիր ինձ, քանզի միամորիկ եմ ես եւ աղքատ: Սրտիս նեղությունները խիստ շատացան, ազատիր ինձ վշտերից, տես իմ նվաստացումն ու տառապանքը եւ թողություն արա իմ բոլոր մեղքերին:
Տես, թշնամիներս որքան բազմացան եւ անիրավ ատելությամբ ինձ ատեցին: Պահպանիր ինձ ու փրկիր ինձ, եւ թող ամոթով չմնամ, որ հույսս դրեցի քեզ վրա:
Ամբիծներն ու արդարները ինձ կցորդ եղան, եւ ես սպասեցի քեզ:
Փրկիր Աստված Հայաստանն ու Արցախը իր բոլոր նեղություններից:
Քրիստոս ծնավ եւ հայտնեցավ, Մեզ եւ ձեզ մեծ ավետիս»:
