Վարչապետ Նիկոլ Փաշինյանը արդարացվեց «Մարտի 1-ի» գործով: Որոշումը քիչ առաջ հրապարակեց Վճռաբեկ դատարանը։ Ըստ այդմ բեկանվեց Փաշինյանի վերաբերյալ 2010 թվականին կայացված դատավճիռը՝ կապված 2008-ի իրադարձությունների հետ: Հիշեցնենք, Փաշինյանին արդարացնելու պահանջով Վճռաբեկ դատարան էր դիմել գլխավոր դատախազ Արթուր Դավթյանը: Այն ներկայացնելիս հաշվի էր առնվել «Նիկոլ Փաշինյանն ընդդեմ Հայաստանի» գործով ՄԻԵԴ վճիռը։ VERELQ-ը հիշեցնում է, որ 2008 թվականի իրադարձություններից հետո Նիկոլ Փաշինյանը 2010-ին դատապարտվել էր 7 տարվա ազատազրկման՝ զանգվածային անկարգություններ կազմակերպելու համար։ Ավելի քան 2 տարի անց նա համաներմամբ ազատ էր արձակվել։
