Փոքր և միջին բիզնեսի կողմից ապրանքների արտահանման գործընթացը պարզեցնելու նպատակով կառավարությունն առաջարկում է փոփոխություն կատարել «Պետական տուրքի մասին» օրենքում։ Մարտի 23-ին Ազգային ժողովի նիստում նախաձեռնությունն առաջին ընթերցմամբ քննարկվեց։ Նիստի օրակարգի վերաբերյալ ելույթ է ունեցել ՀՀ էկոնոմիկայի նախարար Վահան Քերոբյանը։ ԱԺ տնտեսական հարցերի մշտական հանձնաժողովի անդամ Հայկ Ծիրունյանն իր հարակից զեկույցում հնչեցրեց հանձնաժողովի դրական եզրակացությունը կառավարության նախաձեռնության վերաբերյալ։
