Ռուսաստանի նախագահ Վլադիմիր Պուտինը նախատեսում է հանդիպել Հայաստանի վարչապետ Նիկոլ Փաշինյանի հետ նոյեմբերի 23-ին Երեւանում կայանալիք ՀԱՊԿ գագաթնաժողովի շրջանակներում։ Այս մասին այսօր՝ նոյեմբերի 21-ին, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստին»։ «Այո, պլանավորված է, իհարկե», - ասել է Պեսկովը լրագրողներին՝ պատասխանելով հարցին, թե նախատեսվում է, արդյոք, Պուտին-Փաշինյան հանդիպում ՀԱՊԿ գագաթնաժողովի շրջանակներում։ Ինչպես պարզաբանել է Պեսկովը, հանդիպումը նախատեսված է նոյեմբերի 23-ին։
