Բաքուն իր հայտնի սև ցուցակում է ներառել Իտալիայի և Սլովենիայի երաժիշտների անունները, որոնք այցելել են Լեռնային Ղարաբաղ: Այս մասին հայտարարել է Ադրբեջանի արտաքին գործերի նախարարության խոսնակ Հիքմեթ Հաջիևը: «Ինտերֆաքս-Ադրբեջանի» հաղորդմամբ, նա նշել է, որ «Իտալիայում և Սլովենիայում Ադրբեջանի դեսպանությունները ուսումնասիրում են այդ երկրների երաժիշտների անօրինական այցը Ղարաբաղ, ինչի արդյունքում պաշտոնական հարցումներ կուղարկեն այդ երկրների համապատասխան կառույցներին»: Նշենք, որ խոսքը իտալացի դաշնակահար և դիրիժոր Լուկա Ֆերինիի և սլովենացի կլարնետիստ Յոժե Կոտարի ու ջութակահար Չրտոմիր Շիշկովիչի մասին է, որոնք մասնակցել են Շուշիում տեղի ունեցած համերգին:
