Իրանի Կենտրոնական Բանկի նախագահ Վալիոլլա Սեիֆը հայտարարել է, որ Իրանի կողմից վեցնյակի միջև կնքված համաձայնագրի կյանքի կոչման դեպքում Թեհրանի համար հասանելի կդառնա 29 միլիարդ, այլ ոչ թե 100 միլիարդ դոլար: Ինչպես հաղորդում է Ֆրանս Պրեսը՝ հղում անելով իրանական ԶԼՄ-ներին, Սեիֆը նշել է, որ 29 միլիարդ դոլարից 23 միլիարդը բանկի սեփականությունն են, իսկ 6 միլիարդը պատկանում է երկրի կառավարությանը: Սեիֆի խոսքով, մինչ այդ բարձրաձայնված 100 միլիարդ դոլարն իր մեջ ներառում էր արտերկրում նավթագազային նախագծերի համար տեղակայված 35 միլիարդ դոլար և 22 միլիարդ դոլար երաշխավորված դեպոզիտները չինական բանկերում: ԿԲ-ի ղեկավարը նշել է, որ ապասառեցված գումարներն անհրաժեշտ են նավթագազային, նավթաքիմիական և պետության համար կարևոր այլ ոլորտներ ներդրումներ իրականացնելու համար: Նա նաև կարևորել է օտարերկյա ներդրումներն Իրանի տուժած տնտեսության համար: Նրա խոսքով, իրենք կարող են սպառել 200-300 միլիարդ օտարերկրյա ներդրումներ:
