Ռուսաստանի Պետդումայի պատվիրակությունը` Դումայի խոսնակ Վյաչեսլավ Վոլոդինի գլխավորությամբ, այսօր պաշտոնական այցով կժամանի Հայաստան։ Ըստ Ռուսաստանի խորհրդարանի պաշտոնական կայքէջի, ռուսաստանցի խորհրդարանականները Երևանում կհանդիպեն Հայաստանի նախագահ Սերժ Սարգսյանի և Ազգային ժողովի նախագահ Գալուստ Սահակյանի հետ։ Հանդիպումների առանցքային թեման երկու երկրների խորհրդարանների միջև համագործակցության զարգացումն է։ Հայաստանցի և ռուսաստանցի պատգամավորների ուշադրության կենտրոնում կլինեն նաև միջխորհրդարանական հարթակներում՝ ՀԱՊԿ Խորհրդարանական վեհաժողով, ԱՊՀ Միջխորհրդարանական վեհաժողով, ԵԱՀԿ Խորհրդարանական վեհաժողով և այլն, համատեղ աշխատանքների հարցեր:
