Ռուսաստանի նախագահ Վլադիմիր Պուտինը հայտարարել է, որ Սիրիայում երկարաժամկետ կայունացման համար ավելի շատ ջանքեր է անհրաժեշտ գործադրել: Այդ մասին Սոչիում իր թուրք գործընկեր Ռեջեփ Էրդողանի հետ բանակցություններից հետո հայտարարել է նա, հաղորդում է RT-ն:«Ահաբեկիչների դեմ պայքարում հասած հաջողությունների ֆոնին մենք պարոն նախագահի հետ համակարծիք ենք, որ Սիրիայում երկարաժամկետ կայունացման համար ավելի շատ ջանքեր է անհրաժեշտ գործադրել: Նախեւառաջ քաղաքական գործընթացի կարգավորման հարցի առաջխաղացման, հակամարտությունից հետո սիրիացիներին վերկանգնվելու աջակցության համար»,- ասել է ՌԴ նախագահը:Նրա խոսքով՝ Ռուսաստանի, Թուրքիայի եւ Իրանի աշխատանքը, որպես Սիրիայում իրավիճակի կարգավորման հարցով Աստանայի գործընթացի երաշխավոր երկրներ, շարունակում է տալ իր արդյունքները:
