ՀՀ կառավարությունը 50 մլն դրամ հատկացրեց Կրթության, գիտության, մշակույթի և սպորտի նախարարությանը՝ տարվա 10 լավագույն մարզիկներին պարգևատրելու համար: Մրցույթն անցկացվել է նախորդ տարի: Որոշում է կայացվել 10 լավագույն մարզիկներից յուրաքանչյուրին խրախուսել 5-ական մլն դրամով: ԿԳՄՍ նախարար Արայիկ Հարությունյանը գործադիրի նիստում տեղեկացրեց, որ ամեն տարի Հայաստանի 10 լավագույն մարզիկները պարգևատրվելու են: Այս տարի պարգևատրումը կստանան՝ Արթուր Ալեքսանյան - հունահռոմեական ըմբշամարտ Ռուբեն Ալեքսանյան - ծանրամարտ Արթուր Ավետիսյան - մարմնամարզություն Հովհաննես Բաչկով - բռնցքամարտ Սլավիկ Գասպարյան - հունահռոմեական ըմբշամարտ Տիգրան Կիրակոսյան - սամբո Արսեն Հարությունյան - ազատ ոճի ըմբշամարտ Սիմոն Մարտիրոսյան - ծանրամարտ Գոռ Մինասյան - ծանրամարտ Հակոբ Մկրտչյան - ծանրամարտ: Պարգեւատրումը տեղի կունենա փետրվարի 21-ին:
