Հունվարի 25-ին խորհրդարանական ճեպազրույցների ժամանակ ԱԺ «Քաղաքացիական պայմանագիր» խմբակցության անդամ Վահագն Հովակիմյանը, պատասխանելով ընդդիմադիր պատգամավորների պնդումներին ընդդիմադիր հայացքներով շատ անձանց քաղաքական հետապնդումների մասին, նշեց, որ Հայաստանում քաղբանտարկյալներ չկան եւ չեն լինի: «Քաղաքացիական պայմանագիր» խմբակցության քարտուղար Արթուր Հովհաննիսյանը հավելեց, որ ձերբակալությունների վերաբերյալ ընդդիմության մեկնաբանությունները նույնական են. «Կամ դրանք որակվում են որպես քաղաքական հետապնդում, կամ պարզվում է, որ ձերբակալվածը կամ կալանավորվածն առողջական ինչ-ինչ խնդիրներ ունի և դրա հիման վրա որոշակի բողոքներ են ներկայացնում՝ փորձելով փոխել խափանման միջոցները»: