Քաղաքական մեծամասնությունը մերժեց ընդդիմադիր խմբակցությունների կողմից Լաչինի միջանցքի փակման կապակցությամբ ԱԺ արտահերթ նիստ հրավիրելու եւ հայտարարություն ընդունելու որոշումը, փոխարենը հրավիրելով սեփական հայտարարության (անատամ) նախագծով արտահերթ։ Այս մասին գրել է ԱԺ "Հայաստան" խմբակցության պատգամավոր Ագնեսա Խամոյանը:«ՔՊ-ն մերժեց ընդդիմության հայտարարությունը հետեւյալ հիմնական ձեւակերպման համար՝ «Այս և նմանօրինակ այլ ռազմատենչ և ակնհայտ ցեղասպան նկրտումներ ունեցող գործողությունները հերթական անգամ ապացուցում են, որ Արցախը չի կարող լինել Ադրբեջանի կազմում, արցախահայության կյանքի իրավունքի ապահովման միակ հնարավոր գրավականը Արցախի ժողովրդի ինքնորոշման իրավունքի իրացումն է»»,- գրել է պատգամավորը։ VERELQ-ը նշում է, որ Ազգային ժողովում քիչ առաջ ընդունվեց «Ադրբեջանի կողմից Լեռնային Ղարաբաղում հումանիտար ճգնաժամ հարուցելու մասին» հայտարարության նախագիծը, որի քննարկմանը ընդդիմությունը չմասնակցեց:
