Սիրիայի հյուսիսում Թուրքիայի գործողություններն աղաղակող ագրեսիա է․ Սիրիայի ԱԳՆ

Թուրքիան, փորձելով արդարացնել իր ագրեսիան, շարունակում է ստեր տարածել՝ թաքնվելով ՄԱԿ-ի կանոնադրության 51-րդ հոդվածի ետեւում (ինքնապաշտպանության իրավունք) այն գործողությունների նման, որ իրականացնում է, այսպես կոչված, «միջազգային կոալիցիան» ԱՄՆ գլխավորությամբ։ Այս մասին ասված է ՄԱԿ Գլխավոր քարտուղարին եւ Անվտանգության խորհրդի նախագահին ուղղված Սիրիայի Արտաքին գործերի եւ արտագաղթյալների հարցերով նախարարության ուղերձում, փոխանցում է «Սանա» պետական տեղեկատվական գործակալությունը։

«Սիրիան հերքում է ՄԱԿ ԱԽ 1373, 1624 եւ 1178 բանաձեւերի վրա թուրքական ռեժիմի հիմնվելու փորձերը, քանի որ դրանցից ոչ մեկը կազմակերպության անդամ երկրներին իրավունք չի տալիս ոտնձգություն կատարել երկրի ինքնիշխանության դեմ եւ ահաբեկչության դեմ պայքարի պատրվակով ռազմական գործողություններ իրականացնել այլ երկրի տարածքում»,- նշված է ուղերձում։

Նախարարությունը շեշտել է, որ թուրքական ռազմական գործողություններն աղաղակող ագրեսիա է Սիրիայի տարածքային ամբողջականության դեմ եւ ՄԱԿ կանոնադրության խախտում։

Սիրիան կոչ է անում ՄԱԿ ԱԽ-ին որեւէ երկրի թույլ չտալ ուժ կիրառել միջազգային իրավունքին հակառակ եւ կազմակերպության կանոնադրությունը ներքաշել իր ագրեսիվ գործողություններն արդարացնելու նեղ շահերում։