Ռոհանի. Իրանը կշարունակի ամրապնդել իր հրթիռային ներուժը

Ոչ մի երկիր չի կարող կանգնեցնել Իրանին ամրապնդել իր հրթիռային հնարավորություններն ու պաշտպանական ծրագրերը։ Այս մասին ասել է Իրանի նախագահ Հասան Ռոհանին՝ ելույթ ունենալով Պաշտպանության սրբազան շաբաթվա տոնակատարությունների բացմանը, փոխանցում է PressTV–ը։

«Մենք մեր պաշտպանական եւ ռազմական հզորությունը կզարգացնենք այնքան, որքան անհրաժեշտ համարենք։ Մեզ ոչ մեկի թույլտվությունը պետք չէ մեր հողը պաշտպանելու համար»,– ասել է Ռոհանին։

Նրա խոսքով՝ Իրանի պաշտպանական ուժը երբեք չի օգտագործվել ագրեսիվ գործողությունների համար, այնինչ որոշ համաշխարհային գերտերություններ մահաբեր զենք են արտահանում Մերձավոր Արեւելք։ Ռոհանին նշել է, որ Թեհրանը առանցքային դեր է խաղում տարածաշրջանում խաղաղության եւ կայունության վերականգնման համար։

«Իրանի հզոր ժողովուրդը միշտ խաղաղության եւ անվտանգության է ձգտել աշխարհում եւ տարածաշրջանում եւ միշտ պաշտպանել է թույլ ժողովուրդներին։ Մենք կպաշտպանենք Եմենում, Սիրիայում եւ Պաղեստինում մոռացած մարդկանց՝ դուր գալիս է ձեզ դա, թե ոչ»,– ասել է նա։