Ադրբեջանի ՊՆ. Ռուսական սպառազինության մատակարարման պայմանագիրն իրականացվել է 90 տոկոսով

Ադրբեջանին ռուսական սպառազինության մատակարարման պայմանագիրն իրականացվել է 90 տոկոսով: Այս մասին ՌԻԱ Նովոստիին տված հարցազրույցում ասել է Ադրբեջանի պաշտպանության նախարար Զաքիր Հասանովը:

Նրա խոսքով, ՌԴ-ից տանկերի,  "Սմերչ" համակարգերի և "Мста-С" կայանների մատակարարումն  իրականացվել է 90%-ով, Բաքուն վճարել է դրանց դիմաց և հաջողությամբ կիրառում է: 

Ավելի վաղ Ադրբեջանի ՊՆ-ն հայտնել էր, որ Ռուսաստանից հերթական սպառազինության խմբաքանակն է մատակարարվել: Նախորդ խմբաքանակը հանրապետություն էր մատակարարվել հունիսին:

Գործարքի արժեքը չի հրապարակվում, բայց, համաձայն ԶԼՄ-ների, այն կազմել է շուրջ 5 մլրդ դոլար: