Թուրքիայում քվեարկում եւ կրակում են. զինված բախում Դիարբեքիրում

Թուրքիայում սահմանադրական հանրաքվեի քվեարկության ժամանակ Դիարբեքիրում տեղակայված ընտրատեղամասերից մեկում մի խումբ մարդկանց միջեւ ապրիլի 16-ին տեղի է ունեցել զինված բախում: Այս մասին հայտնում է CNN Turk-ը:

Նշվում է, որ տեղի ունեցած փոխհրաձգության հետեւանքով երկու մարդ է զոհվել, մեկը վնասվածքներով տեղափոխվել հիվանդանոց: Միջադեպի պատճառների մասին չի նշվում, սակայն պարբերականը հայտնում է, որ մինչեւ միջադեպը մի քանի տեղի բնակիչների միջեւ տեղի էր ունեցել հրմշտոց: Այլ լրատվամիջոցներ նշում են, որ նախնական տվյալներով վեճի պատճառը եղել է երկու խմբերի միջեւ քաղաքական տարաձայնությունը:

Հիշեցնենք, որ Թուրքիայում այսօր՝ ապրիլի 16-ին, անցկավում է սահմանադրական հանրաքվե, որի արդյունքը կարող է հանդիսանալ երկրի անցումը խոհրդարանականից նախագահական հանրապետության:

Հանրաքվեին երկրով մեկ բացված 167140 ընտատեղամասերում քվեարկելու են շուրջ 55,3 մլն Թուրքիայի քաղաքացիներ: Բացի այդ 461 ընտրատեղամաս ստեղծվելու է փակ հաստատություններում՝ քրեակատարողական հիմնարկներում: Արտասահմանում ապրող Թուրքիայի քաղաքացիները քվերակել են արտահերթ կարգով:

Այն պարագայում, եթե Թուրքիայի քաղաքացիները «այո» ասեն Ռեջեփ Էրդողանի իշխող «Արդարություն եւ զարգացում» կուսակցության առաջարկած սահմանադրական փոփոխությունների փաթեթին, ապա երկրի նախագահի լիազորություններն շեշտակի կընդարձակվեն: Նա իր ձեքում կկենտրոնացնի փաստացի ողջ գործադիր իշխանությունը՝ վերացնելով վարչապետի պաշտոնը: