ՀՀ անկախությունը, ինքնիշխանությունը, տարածքային ամբողջականությունը անսակարկելի են. Ասրյան

Հայաստանի անկախությունը, ինքնիշխանությունը, տարածքային ամբողջականությունը բացարձակ արժեքներ են և անսակարկելի: Այս մասին ասված է «Հայոց Արծիվներ. Միասնական Հայաստան» կուսակցության նախագահ, գնդապետ Խաչիկ Ասրյանի հայտարարության մեջ:

«Հայոց Սուրբ Հայրենիքը պաշտպանելու, Հայաստանի անկախությունը ձեռք բերելու և պահպանելու համար՝ վերջին 30 տարիների ընթացքում բազմահազար Հայորդիներ են իրենց կյանքերը զոհաբերել, և, անհրաժեշտության դեպքում, մենք նույնպես կզոհաբերենք մեր կյանքերը:

Լսե՛ք ինձ ու ականջներիցդ օ՛ղ արեք. ձեր պետությունների պետական շահը մեզ համար ավարտվում է այնտեղ, որտեղ սկսվում է մեր Սուրբ Հայաստանի պետական շահը: Հայաստանն անկախ ու ինքնիշխան պետություն է՝ իր հերոս և անպարտելի ժողովրդով, իր Ազգային Անվտանգությամբ, իր Ազգային Բանակով:

Այն պետությունները, որոնք հավակնություններ կունենան Հայաստանի անկախ և ինքնիշխան պետության, Հայաստանի տարածքային ամբողջականության նկատմամբ, կկործանվե՛ն. ո՛չ մի «Զանգեզուրի միջանցք» ո՛չ մեկիդ»,- ասված է հայտարարության մեջ: