ՆԱՏՕ-ի գլխավոր քարտուղար Յենս Ստոլտենբերգը հանդես է գալիս այն բանի օգտին, որ Ադրբեջանն ու Հայաստանը սկսեն խաղաղ բանակցություններ վարել Լեռնային Ղարաբաղի իրադրության շուրջ: Այս մասին նա ասել է Թուրքիայի ԱԳ նախարար Մևլութ Չավուշօղլուի հետ հանդիպման ժամանակ, փոխանցում է gazeta.ru-ն: Ստոլտենբերգը երկօրյա այց է սկսել Թուրքիա եւ Հունաստան։ Չավուշօղլուի հետ հանդիպմանը նա մտահոգություն է հայտնել հակամարտության գոտում խաղաղ բնակիչների զոհվելու կապակցությամբ։ Գլխավոր քարտուղարը նաև կոչ է արել դադարեցնել կրակը եւ խաղաղ բանակցություններ սկսել:
