Իրանի ռազմածովային ուժերը չորեքշաբթի առավոտյան զորավարժություններ են սկսել Կասպից ծովում: Այս մասին հայտնում է Fars գործակալությունը։ Նշվում է, որ զորավարժություններում ներգրավված են ռազմական նավերի տարբեր տեսակներ, համազարկային կրակի հրթիռային համակարգեր, ինքնաթիռներ, ուղղաթիռներ եւ անօդաչու թռչող սարքեր: Բացի այդ, զորավարժությունների ընթացքում կմշակվեն Իրանի զինված ուժերի ռազմածովային հատուկ նշանակության ուժերի գործողությունները: Որպես մանեւրների խնդիր նշվում է Կասպից ծովի տարածաշրջանում համակողմանի անվտանգության ամրապնդումը։
