Մեծ Բրիտանիայի վարչապետ Թերեզա Մեյը հայտարարել է, որ հրաժարական կտա Brexit-ից հետո։ Պահպանողական կուսակցության անդամների հետ հանդիպմանը նա հայտարարել է, որ Եվրամիության հետ բանակցությունների երկրորդ փուլում անհրաժեշտ է նոր մոտեցումներ և նոր առաջնորդ և ինքը չի խանգարի դրան։ Բայց նա կարևորել է գործարքի շարունակությունն ու Brexit-ի իրականացումը։ «Ես պատրաստ եմ աշխատանքը թողնել ավելի շուտ, քան նախատեսել էի, եթե դա մեր երկրի և կուսակցության շահերից է բխում»,- ասել է Մեյը։Նշենք, որ բանակցությունների «երկրորդ փուլը» պետք է սկսել ԵՄ կազմից Բրիտանիայի դուրս գալու ավարտից հետո։ Այդ ժամանակ ձևավորելու է Բրիտանիայի և Եվրոպայի հարաբերությունների համակարգը բոլոր բնագավառներում։
