Ալմաթիում այսօր՝ փետրվարի 5 – ին, մեկնարկել է Եվրասիական միջկառավարական խորհրդի՝ ԵԱՏՄ բարձրագույն մարմնի նիստը: Այժմ այն ընթանում է նեղ կազմով: Մասնակցում են Եվրասիական տնտեսական միության անդամ երկրների կառավարությունների ղեկավարները, հայտնում է 24.kz-ը: Ինչպես հայտնի է, խորհուրդը հավաքվում է տարեկան առնվազն մեկ անգամ և ընդունում է համատեղ որոշումներ։ Բոլոր ստորագրված ամփոփիչ փաստաթղթերը պարտադիր են բոլոր մասնակից պետությունների կատարման համար։ Ավելի վաղ հաղորդվել էր, որ օրակարգում 11 հարց է, որոնք շոշափում են տնտեսության գրեթե բոլոր ճյուղերը: