Մարզական լրագրողների և ազգային թիմերի գլխավոր մարզիչների քվեարկության արդյունքում հայտնի են դարձել Հայաստանի 2021 թվականի «Տարվա 10 լավագույն մարզիկների» անունները: Դեկտեմբերի 21-ին կայացած քվեարկությանը լրագրողներից մասնակցեցին սպորտային 15 թղթակից և ազգային ֆեդերացիաների ներկայացուցիչները, գրում է «Արմենպրեսը»: Քվեարկության արդյունքում ձևավորվել է հետևյալ տասնյակը՝ ըստ այբբենական կարգի՝ Ալեքսանյան Արթուր - հունահռոմեական ըմբշամարտ Ամոյան Մալխաս - հունահռոմեական ըմբշամարտ Բաչկով Հովհաննես - բռնցքամարտ Դավթյան Արթուր - սպորտային մարմնամարզություն Լալայան Վարազդատ - ծանրամարտ Դանիելյան Էլինա - շախմատ Հարությունյան Արսեն - ազատ ոճի ըմբշամարտ Մարտիրոսյան Սիմոն - ծանրամարտ Մինասյան Գոռ - ծանրամարտ Չալոյան Դավիթ - բռնցքամարտ «Տարվա համակրանք» մրցանակը, որի համար քվեարկել են երկրպագուները, ստացել է աշխարհի չեմպիոն Մալխաս Ամոյանը:
