26.04.2025
Թուրքիայի կողմից նշանակված բանագնացը լուրջ և ծանրքաշային դիվանագետ է. ո՞վ է նա
16.12.2021
Թուրքիայի կողմից նշանակված բանագնացը լուրջ և ծանրքաշային դիվանագետ է. ո՞վ է նա

Նախօրեին Թուրքիայի ԱԳ նախարար Մեւլութ Չավուշօղլուն հայտարարեց Հայաստանում Թուրքիայի բանագնացի անունը։ Ըստ այդմ, հայ–թուրքական հարաբերությունների կարգավորման գործընթացում բանագնաց է նշանակվել Սերդար Քըլըչը։ Քաղաքագետ Սուրեն Սարգսյանը վերջինիս ծանրաքաշային դիվանագետ է որակում. "Հայ-թուրքական բանակցությունների համար Թուրքիայի կողմից նշանակված բանագնացը լուրջ և ծանրքաշային դիվանագետ է՝ «գել ու գազան»: Ես հույս ունեմ, որ վերջին ակկորդը խփելիս մենք նույնպես կունենանք լուրջ ծանրքաշային դիվանագետ՝ հայկական շահը մաքսիմալ առաջ մղելու համար",- Facebook-ի իր էջում գրել է քաղաքագետ Սուրեն Սարգսյանը: Նշենք, որ Սերդար Քըլըչն աշխատել է Թուրքիայի տուրիզմի նախարարությունում, Ազգային անվտանգության խորհդում, արտաքին գործերի նախարարությունում, եղել տարբեր երկրներում Թուրքիայի դեսպան։ 2014-2021 թվականներին հանդիսացել է ԱՄՆ–ում Թուրքիայի դեսպանը։ Հետ է կանչվել Անկարա 2021 թվականի փետրվարի 23–ին։