ՀՀ-ն ու ՌԴ-ն հաստատել են կենսաանվտանգության խնդիրների մասով մոտեցումների ընդհանրությունը

Մարտի 17-ին Մոսկվայում միջգերատեսչական ձևաչափով ռուս-հայկական խորհրդակցություններ են կայացել կենսաբանական անվտանգության ապահովման հարցերի շուրջ փոխըմբռնման երկկողմ միջկառավարական հուշագրի իրականացման վերաբերյալ։

Այս մասին հայտնում է ՌԴ ԱԳՆ մամուլի ծառայությունը։

Կատարվել է ԱՊՀ տարածքում կենսաբանական անվտանգության սպառնալիքների գնահատականների փոխանակում։ Քննարկվել է կենսաանվտանգության մասին երկկողմ հուշագրի իրականացման առաջընթացը՝ ներառյալ հետագա համագործակցության կոնկրետ ոլորտները։ Քննարկվել են սույն հուշագրի դրույթների կատարման օպտիմալացման և արդյունավետության բարձրացման հարցերը՝ համապատասխան խորհրդատվական մեխանիզմ ձևավորելու միջոցով։

Միջոցառումը հաստատեց կենսաբանական անվտանգության խնդրի վերաբերյալ Ռուսաստանի և Հայաստանի մոտեցումների ընդհանրությունը։ Նշվել է հետագա սերտ համակարգման և կառուցողական փոխգործակցության անհրաժեշտությունը ինչպես երկկողմ ձևաչափով, այնպես էլ մասնագիտացված բազմակողմ հարթակներում։