ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ: «Ամբերդ» բարձր լեռնային օդերևութաբանական կայանից դեպի Արագածոտնի մարզի Ամբերդ ամրոց և Քարի լիճ տանող ճանապարհները փակ են։ Վարդենյաց լեռնանցքը փակ է բեռնատարների համար, դժվարանցանելի է այլ տեսակի տրանսպորտային միջոցների համար։ Տավուշի և Լոռու մարզերում, Արագածոտնի մարզի Ապարանի տարածաշրջանում, Գեղարքունիքի մարզի Ճամբարակ քաղաքում, Վայոց ձորի մարզի Ջերմուկ քաղաքում և Սարավան-Զանգեր ավտոճանապարհին տեղում է ձյուն։ Թորոսգյուխ-Աշոցք, Շիրակի Արթիկ-Ալագյազ, Սյունիքի Գորիս-«Զանգեր» ավտոճանապարհներին, Արագածոտնի մարզերի Արագածի և Ապարանի հատվածներում տեղ-տեղ դիտվում է ձնախառն անձրեւ: Արագածոտնի Թալինի տարածաշրջանում և Սյունիքի մարզերի Կապան-Գորիս ավտոճանապարհին բուք է։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տվյալների համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ Ռուսական կողմից մոտ 250 բեռնատար է կուտակվել։ Վարորդներին խորհուրդ է տրվում երթևեկել բացառապես ձմեռային անվադողերով:
