Թուրքիայի նախագահ Ռեջեփ Թայիպ Էրդողանը հայտարարել է, որ թուրքական և ռուսական կողմերի համագործակցությունը «ոմանց մոտ խանդի զգացում է առաջացնում»,– հաղորդում է Anadolu գործակալությունը։ «Ռուսաստանի և Թուրքիայի միջև բազմակողմանի համագործակցությունը ոմանց մոտ խանդի զգացում է առաջացնում»,– ասել է Էրդողանը Ռուսաստանի նախագահ Վլադիմիր Պուտինի հետ BRICS-ի գագաթնաժողովին հանդիպումից հետո։ Ավելի վաղ Վլադիմիր Պուտինը հայտարարել էր, որ Ռուսաստանի և Թուրքիայի փոխգործակցությունը, այդ թվում Սիրիայի հարցով և տնտեսության ոլորտում, վերելք է ապրում։
