Առկա իրականության մեջ այլընտրանքային ճանապարհ ունենալն անհավանական է: Այս մասին «Ալիք մեդիայի» հետ զրույցում հայտարարել է Վրաստանի նախագահի թեկնածու Սալոմե Զուրաբիշվիլին՝ Վրաստանի ազգային փոքրամասնությունների ներկայացուցիչների հետ հանդիպումից հետո: «Հասկանալի է, որ Լարսի այլընտրանքային ճանապարհը բխում է Հայաստանի տնտեսական շահերից, սակայն մենք առաջին հերթին պետք է հաշվի առնենք մեր՝ Վրաստանի շահերը: Այսօր մեր երկու շրջաններն օկուպացված են Ռուսաստանի կողմից, չկան դիվանագիտական հարաբերություններ: Այս պահին բացառվում է Ռուսաստանի հետ այլընտրանքային ճանապարհ բացելու գաղափարը: Ապագայում՝ տեսնենք»,- ասել է նա: