Ղարաբաղում թուրք խաղաղապահների տեղակայման հարցը ոչ մեկի հետ համաձայնեցված չի եղել: Այդ մասին Ռուսաստանի, Հայաստանի եւ Ադրբեջանի նախագահների հայտարարության մեջ չի ասվում, հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն: «Ես կարող եմ դա մեկնաբանել հետեւյալ կերպ, այդ մասին հայտարարության տեքստում ոչ մի բառ չկա, որը հրապարակվել է: Այդ մասին չեն պայմանավորվել երեք կողմերը, եւ թուրք զինվորների ներկայությունը Ղարաբաղում համաձայնեցված չի եղել», - լրագրողներին հայտնել է Պեսկովը: