Պեսկովը մեկնաբանել Է Կրեմլի դիրքորոշումը ՀՀ-ի և Ադրբեջանի սահմանին բախումների վերաբերյալ

ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիեւի եւ Հայաստանի վարչապետ Նիկոլ Փաշինյանի եռակողմ շփման համար անհրաժեշտ է բոլոր կողմերի համաձայնությունը եւ պատրաստակամությունը, չորեքշաբթի լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը:

"Անկասկած, ինչ-որ փուլում նման շփումներ անհրաժեշտ կլինեն, բայց որպեսզի դրանք հնարավոր լինեն, անհրաժեշտ են դրա համար երեք կողմերի համաձայնությունը եւ պատրաստակամությունը", - ասել է Կրեմլի ներկայացուցիչը՝ ի պատասխան համապատասխան հարցի:

Մոսկվան հայ-ադրբեջանական սահմանին հակամարտության կողմերին զսպվածության կոչ է անում եւ հանդես է գալիս եռակողմ համաձայնագրերի պահպանման օգտին, հայտարարել է Պեսկովը:

"Իսկապես, ռազմական գործողությունների վերսկսումը [հայ-ադրբեջանական] սահմանին այն է, ինչ երեկ լուրջ մտահոգության առիթ դարձավ, բայց ռուսական կողմի միջնորդական ջանքերի շնորհիվ հաջողվեց հակամարտող կողմերին զսպվածության կոչ անել", - ասել է Կրեմլի ներկայացուցիչը:

"Ռուսական կողմը հետագայում էլ դա կանի։ Մենք, այնուամենայնիվ, հույս ունենք, որ իրավիճակի կայունացման միակ ճանապարհը եռակողմ պայմանավորվածությունների կատարումն է", - ընդգծել է Պեսկովը։