29.09.2022
ՄԻՊ-ը ԵԽԽՎ համազեկուցողներին ներկայացրեց սահմանային բնակիչների իրավունքների հարցերը
prev Նախորդ նորություն

Նորություններ գործընկերներից

Եռակողմ աշխատանքային խմբում արձանագրված է, որ միջանցք չի լինելու. Գրիգորյան

Հայաստանի Զինված ուժերը պատրաստ են դիմակայելու նման սպառնալիքի։ Եռակողմ աշխատանքային խմբում արձանագրված է, որ միջանցք չի լինելու։ Այս մասին Factor-ի հետ հարցազրույցում ասել է ՀՀ Անվտանգության խորհրդի քարտուղար Արմեն Գրիգորյանը՝ պատասխանելով հարցին, թե կանխատեսվում է, որ չստանալով միջանցք՝ ադրբեջանցիները կամ թուրքերը որոշեն ռազմական ուժով դա վերցնել, հատկապես, երբ այդպիսի սպառնալիքներ հնչեցվում են։  


"Այս տրամաբանության շրջանակում կարելի է այս քննարկումն ավարտված համարել։ Ինչ վերաբերում է այդպիսի ավանտյուրային, բնականաբար, մենք փորձելու ենք մեր Զինված ուժերով, ինչպես նաև օգտագործելով բոլոր եղած հնարավորությունները միջազգային հանրության շրջանում կամ միջազգային կառույցներում, խափանելու ցանկացած նման գործունեություն",- ասել է Գրիգորյանը։


Հիշեցմանը, թե Իրանը հայտարարել է, որ թույլ չի տա տարածաշրջանում սահմանների փոփոխություն, և այս կոնտեքստում հարցին, թե արդյո Իրանի հետ ռազմական համագործակցության հեռանկար տեսնո՞ւմ է, Գրիգորյանն արձագանքել է.


"Ընտրությունների հենց հաջորդ օրը վարչապետը հայտարարել է, որ Հայաստանը պատրաստ է Իրանի հետ սկսել ռազմավարական երկխոսություն։ Եվ, կարծես թե, դա իր արտացոլումն է ստանում բարձր մակարդակով շփումների տեսքով, որը նաև իր առարկայական տեսքն է ստանում այլ մակարդակներում կազմակերպվող այցերում և ինտենսիվ քննարկումներում։ Մենք գրեթե բոլոր մակարդակներում շարունակում ենք ինտենսիվ շփումը մեր իրանցի գործընկերների հետ և լայն հնարավորություն ենք տեսնում։ Այս կոնտեքստում կարևոր է նաև Չաբահար նավահանգստի գործարկումը և Հնդկաստանի մասնակցությունը։ Այսինքն՝ ՀՀ-ում «Հյուսիս-հարավ» ճանապարհի կառուցումն է ընթանում, սեպտեմբերին կառավարությունը հաստատեց 1 միլիարդ դոլարանոց ծրագիր Սյունիքում ենթակառուցվածքների զարգացման՝ Սիսիանից մինչև Իրանի սահման թունելների կառուցումից մինչև կամուրջների կառուցում, որպեսզի ենթակառուցվածքներ և ճանապարհ ստեղծենք, «Հյուսիս-հարավ» ենթակառուցվածքը կայանա ՀՀ-ում, որը կկապի Չաբահարը Սև ծովի հետ, և դա կարևոր աշխարհաքաղաքական նշանակություն ունի։ Այս առումով՝ Իրանի հետ հարաբերությունները ինտենսիվ, դինամիկ զարգանում են, և կա հարցերի լայն շրջանակ, որ քննարկվում է բարձր և բարձրագույն մակարդակներում":


Ճշտող հարցին՝ Հայաստանը կարո՞ղ է մտածել Իրանի հետ ռազմական համագործակցությունը հասցնելու այնպիսի մի մակարդակի, որ արտաքին որևէ վտանգի պարագայում որոշակի պարտավորություններ վերցվեն Հայաստանի տարածքների պաշտպանության, ԱԽ քարտուղարն ասել է, որ այս պահին դեռ շատ նախնական փուլում ենք՝ պատկերացնելու, թե հետագայում ինչ կարող է լինել։


"Բայց այն, որ մենք սկսել ենք այդ քննարկումները, շատ կարևոր է։ Եվ անվտանգության հարցերում Իրանի հետ համագործակցությունն ավելի առարկայական տեսք է ստանում։ Կարծում եմ, որ մեր համագործակցությունը շատ կարևոր նշանակություն է ունենալու նաև տարածաշրջանում անվտանգություն ապահովելու տեսանկյունից",- հավելել է Գրիգորյանը: