29.09.2022
Այս զիջումներից հետո մեզանից պահանջելու են նոր զիջումներ՝ փոխելով մեր սահմանները. Գեղամյան
prev Նախորդ նորություն

Նորություններ գործընկերներից

Ադրբեջանի «դարի գործարքն» այլևս միայն պատմական անախրոնիզմ է. փորձագետ

Ամերիկյան էներգետիկ հսկաների՝ ExxonMobil - ի եւ Chevron-ի իր ադրբեջանական ակտիվների վաճառքը կարեւոր ցուցանիշ էր ոչ միայն Ադրբեջանի նավթագազային համալիրի, այլեւ տարածաշրջանում սպասվող աշխարհաքաղաքական ցնցումների համար: Այս մասին Telegram իր ալիքում գրում է էներգետիկ հարցերով փորձագետ Վահե Դավթյանը։


«Ակնհայտ է, որ ինչպես Ազերի-Չերագ-Գյունեշլի հանքավայրերի խումբը, այնպես էլ Բաքու-Թբիլիսի-Ջեյհան նավթամուղը, որոնց բաժնեմասերը պատկանում էին նշված ամերիկյան ընկերություններին, այսուհետ հանդիսանում են բարձր Կոմերցիոն ռիսկի գոտի։ Արդյունքը ադրբեջանական ակտիվների ռազմավարական նշանակության նվազեցումն է, ճիշտ այնպես, ինչպես նրանց մրցունակությունը», - ասված է նրա գրառման մեջ։


Նրա խոսքով՝ ադրբեջանական իշխող կլանի համար սեփական վերարտադրության ռեսուրս հանդիսացող տխրահռչակ «դարի գործարքը» այլևս ոչ այլ ինչ է, քան պատմական անախրոնիզմ։


«Հատկանշական է, որ Ադրբեջանից հեռանալուց հետո ExxonMobil-ը եւ Chevron-ը տեղափոխվել են Արեւելյան Միջերկրածովյան հանքավայրեր, ինչն այսօր, ըստ էության, զսպող գործոն է տարածաշրջանում թուրքական էներգետիկ էքսպանսիայի համար։


Այսպիսով, գլոբալ մակարդակի խաղացողներից ադրբեջանական էներգետիկ շուկայում մնացել է միայն British Petroleum-ը, որն ընկալում է Ադրբեջանը որպես գաղութարար հետամնաց ծայրամաս: Արդյունահանման բնապահպանական նորմերի խախտումը, ինչպես նաև ադրբեջանական նավթագազային համալիրի աշխատակիցների զանգվածային կրճատումները դրա ապացույցն են», - գրել է նա: