Քննարկվում է Ավինյանին Զանգեզուրի պղնձամոլիբդենային կոմբինատի տնօրեն նշանակելու հարցը

Նախկին փոխվարչապետ Տիգրան Ավինյանին՝ Զանգեզուրի պղնձամոլիբդենային կոմբինատի տնօրեն նշանակելու հարցը քննարկվում է: 

«Այո, հարցը քննարկվում է: Նա քաղաքական թիմի անդամ է և  պետք է լինեն մարդիկ, որոնք լավագույնս Հայաստանի շահերը կներկայացնեն տվյալ կազմակերպությունում»,- ԱԺ-ում լրագրողների հետ զրույցում ասաց ՀՀ վարչապետի աշխատակազմի ղեկավար Արայիկ Հարությունյանը՝ մեկնաբանելով շրջանառվող լուրերը:

Նա նշեց, որ որոշման մասին կտեղեկացվի:   

Ինչ վերաբերում է Տիգրան Ավինյանի հայտնի հայտարարությանը՝ բիզնեսի և քաղաքականության տարանջատման մասին, Հարությունյանը նշեց, որ տարբեր փուլերում տարբեր քննարկումներ եղել են:

"Ավինյանը շարունակում է մնալ քաղաքական թիմի անդամ, վարչության անդամ: Նա ներգրավված է եղել վերջին քաղաքական գործընթացներում, այնպես որ պետք չէ մութ էջեր չփնտրել Ավինյանի հայտարարության մեջ",- հավելեց Հարությունյանը: