Ալիև. Հակամարտության կարգավորման միակ հնարավոր տարբերակը փուլայինն է

«Ապրիլին Հայաստանի սադրանքը հնարավոր եղավ կանխել, ազատագրվեց 2 հազար հա տարածք»: Այս մասին հայտարարել է Ադրբեջանի նախագահ Իլհամ Ալիևը:

ԱՊԱ հաղորդմամբ, նա հերթական անգամ հայտարարել է, որ հակամարտությունը պետք է կարգավորվի միջազգային իրավունքի և Ադրբեջանի տարածքային ամբողջականության սկզբունքների հիման վրա:

«Վերջին 3-4 ամիսներին բանակցային գործընթացում աննախադեպ ակտիվություն է արձանագրվել: Հայաստանը իր պայմաններն է առաջ քաշել բանակցություններում և դրանով ինքն իրեն դրել ծիծաղելի վիճակում: Բանակցությունները անհրաժեշտ են և' Ադրբեջանին, և' Հայաստանին: Ապրիլյան իրադարձությունները ցույց տվեցին, որ եթե Հայաստանը շարունակի պրովոկացիոն գործողությունները` իրավիճակը կարող է փոխվել:

Միջնորդները պետք է ճնշում գործադրեն Հայաստանի վրա: Հակամարտության կարգավորման միակ հնարավոր տարբերակը փուլայինն է, իսկ դրա համար ԵԱՀԿ և Մինսկի խմբի անդամ-պետությունները պետք է ճնշում գործադրեն Հայաստանի վրա»,- շեշտել է Ալիևը: