Ստուգայցներ և տուգանքներ. հոկտեմբերի 1-ից ՀՀ-ում խստացվում են COVID-19 դեմ կանոնները

Հոկտեմբերի 1-ից առողջապահության նախարարի հակահամաճարակային որոշման պահանջների կատարմանը հետևելու նպատակով ստուգումներ են իրականացվելու տնտեսվարողների մոտ՝ ստուգելու արդյոք աշխատակիցները պատվաստված կամ թեստավորված են, թե ոչ:


Այդ մասին սեպտեմբերի 22-ին տեղի ունեցած ասուլիսի ժամանակ հայտարարել է տեսչական մարմնի հիգիենիկ, սանիտարահիգիենիկ և հակահամաճարակային հսկողության վարչության պետ Աննա Հարությունյանը:


Ստուգայցները նախապես են պլանավորվելու՝ առաջին հերթին թիրախավորելով համաճարակի տարածման տեսանկյունից ռիսկային տնտեսվարողներին: «Այսինքն, եթե ստանում ենք տեղեկատվություն, որ տվյալ կազմակերպությունում կան կորոնավիրուսային վարակի 3 և ավելի դեպքեր: Ստուգայցերն իրականացվելու են պատահական սկզբունքով»,-տեղեկացրեց է Աննա Հարությունյանը:


Առողջապահության նախարարության պահանջների չկատարումը, զգուշացրեց Աննա Հարությունյանը, հանգեցնելու է ֆինանսական հետևանքների: «Ֆիզիկական անձանց նկատմամբ կկիրառվի 10-20 հազար տուգանք, իսկ իրավաբանական անձանց նկատմամբ՝ 40-120 հազար դրամ տուգանք», - նշեց նա՝ հավելելով, որ չեն բացառվում կրկնակի ստուգայցերը, անգամ նույն օրվա ընթացքում:


Нույն օրվա անգամ երկու այց կարող են կատարել տեսչական մարմնի աշխատակիցները: Որևէ սահմանափակում չկա: Այցերի քանակը կախված է տվյալ գործատուի մոտ հայտնաբերված խախտումների քանակից: «Եթե այնտեղ խախտումները շատ են, բնականաբար կրկնակի ստուգայցեր են իրականացվում, որ պարզենք՝ որքանով են իրականացվում մեր կարգադրի պահանջները»,-ասաց Աննա Հարությունյանը:


 


 

Տպել

Թեմայի այլ նորություններ
Загрузка...