Մոսկվայից արցախցի մանկաբույժը մարդասիրական ծրագրով երկրորդ անգամն է այցելում Արցախ

Մոսկվայի «Երեխաների առողջության ազգային գիտահետազոտական կենտրոն»-ի մանկական հեպատոլոգ, գաստրոէնտերոլոգ Գոհար Մովսիսյանը օգոստոսի 23-ից «Արևիկ» մանկական բուժմիավորումում իրականացնում է հետազոտություններ ու խորհրդատվություններ:

Ծննդով արցախցի մանկաբույժը մարդասիրական ծրագրով երկրորդ անգամն է այցելում Արցախ: Նա ցանկություն է հայտնել կրկին վերադառնալ հայրենի հող և իր մասնագիտական կարողություններով օգտակար լինել երեխաներին:

Մանկաբույժը նշել է, որ հետազոտությունների ընթացքում հանդիպել է երեխաների տարաբնույթ պաթոլոգիաների՝ գաստրոէնտերոլոգիական, ինֆեկցիոն, աղիքային, տրավմատոլոգիական և վիրաբուժական, ինչպես նաև հեմատոլագիական:

Գոհար Մովսիսյանը այս օրերին հետազոտել է ավելի քան 150 երեխայի: