ԱՄՆ դեսպանն այցելել է Տավուշի մարզպետին

Տավուշի մարզպետ Հայկ Ղալումյանն այսօր հանդիպել է Հայաստանում ԱՄՆ դեսպան Լին Թրեյսիին:

Տավուշի մարզպետրանից տեղեկացնում են, որ մարզպետը, պատասխանելով դեսպանի հարցերին, ներկայացրել է Տավուշի մարզը, վերջին շրջանում մարզում իրականացված աշխատանքները, զարգացման հնարավորություններն ու հեռանկարները: Մարզպետն անդրադարձել է նաև մարզում տուրիզմի զարգացմանը, գյուղատնտեսությանը, արդյունաբերությանը:

Հանդիպման ըթացքում քննարկվել են նաև համագործակցության հնարավոր ուղիները:

Դեսպան Լին Թրեյսին շնորհակալություն է հայտնել ընդունելության համար, նշել, որ ուրախ է ծանոթանալու այն տեսլականին, որը հնարավորություն կտա աջակցել մարզի զարգացմանը։

Հանդիպման վերջում հյուրերը փոխանակվել են հուշանվերներով: