Ժողովուրդը քաղաքական ճգնաժամի արբիտր է դարձել. Նիկոլ Փաշինյանը՝ 2021-ի հաջողության մասին

ՀՀ վարչապետ Նիկոլ Փաշինյանը խորհրդարանական վերջին ընտրությունները համարում է երկրի կարևոր ձեռքբերում՝ պետության ինստիտուցիոնալ կայացման և ժողովրդավարության տեսանկյունից: Այս մասին նա հայտարարել է այսօր՝ օգոստոսի 24-ին, ելույթ ունենալով խորհրդարանում։


Նրա խոսքով՝ այս ընտրությունները դարձել են բազմամյա խնդրի անշրջելի լուծում։ «2021 թվականի ընտրությունների ինստիտուտը նորովի է դրսեւորվել», - կարծում է վարչապետը: Նա նշել է, որ Հայաստանում ընտրությունների միջին վիճակագրական ստանդարտը, ընդհուպ մինչեւ վերջերս, հետեւյալն էր. ընտրություններից անմիջապես հետո ներկայացվում էին կեղծիքների մասին վստահություն ներշնչող փաստեր, դա ուղեկցվում էր հասարակական-քաղաքական հուզումներով, խորանում էր քաղաքական ճգնաժամը:


Ինչպես հայտարարել է Փաշինյանը, 2021 թվականի ընտրությունները արմատական հակառակ ազդեցություն են ունեցել։ Ընտրությունների անցկացմամբ հասարակական և քաղաքական հուզումները հաղթահարվեցին։


«Դա ընտրությունների ամենաանսպասելի արդյունքն էր, քանի որ 2020 թվականի նոյեմբերից ընդհուպ մինչեւ նախընտրական արշավի ավարտը ներքաղաքական դիսկուրսը կառուցվել էր իշխանությունների ներկայացուցիչների եւ նրանց ընտանիքների մեղադրանքների վրա՝ դավաճանության, հողերի հանձնման, հողերի վաճառքի եւ կապիտուլյացիայի մեջ, ինչին հետեւել էին մինչեւ հրապարակային գնդակահարության կոչերը։ Դրա գործնական դրսևորումը եղել է ԱԺ նախագահ, այժմ ՀՀ ԱԳ նախարար Արարատ Միրզոյանի դեմ մահափորձը, ինչպես նաև կառավարական շենքերի վրա հարձակումը», - հայտարարել է նա՝ հավելելով, որ գործող իշխանությունն այն ժամանակ հայտարարել էր ժողովրդի ցանկացած որոշման հնազանդվելու պատրաստակամության մասին։


Փաշինյանը նշեց, որ պատմականորեն նման դեպքերում իշխանությունները կամ փախչում են երկրից, կամ դիմում են միջնորդների ծառայություններին, կամ ուժ են կիրառում:


«Մենք չենք դիմել ուժի կիրառմանը կամ միջնորդների ներգրավմանը։ Մենք գնացինք ժողովրդի հետ երկխոսության ճանապարհով՝ արտահերթ ընտրություններ կազմակերպելով», - ասել է Փաշինյանը։


Բոլոր միջազգային դիտորդական առաքելությունները համակարծիք են եղել, որ ընտրությունները Հայաստանում եղել են ժողովրդավարական, ազատ եւ մրցակցային, ընտրությունների ընթացքում պահպանվել են բոլոր օրենսդրական նորմերը, բոլոր մասնակիցները ունեցել են հավասար հնարավորություններ, ընդգծել է վարչապետը, Փաշինյանը հատուկ նշել է, որ ընտրությունների ընթացքում «իշխանությունները ոչ մի հեռուստաալիք չեն ունեցել, մինչդեռ առնվազն 5 հեռուստաալիքներ ունեցել են ակնհայտ ընդդիմադիր ուղղվածություն»: Նա ընդգծել է, որ ստեղծվել են բոլոր պայմանները, որպեսզի հենց ժողովուրդը դառնա արբիտր առաջացած քաղաքական ճգնաժամի մեջ, այդպես էլ տեղի ունենեցել:

Տպել

Թեմայի այլ նորություններ
Загрузка...