28.03.2024
ԼՂՀ ՊՆ. Շփման գծում պահպանվել է հարաբերական անդորր
prev Նախորդ նորություն

Նորություններ գործընկերներից

ՊՆ. ՀՕՊ համաձայնագրով ՀՀ-ին անվճար Ս-300 համակարգերի տրամադրում չի նախատեսվում

Միավորված տարածաշրջանային հակաօդային պաշտպանության համակարգի ամրացման նպատակով հունիսին Ռուսաստանի Դաշնությունը Ղազախստանին անվարձահատույց Ս-300ՊՍ զենիթահրթիռային համակարգեր է տրամադրել: Միավորված ՀՕՊ շրջանակներում անվճար Ս-300 համակարգեր է ստացել նաև Բելառուսը. 2016 թվականի մարտին նրան է տրամադրվել 4 դիվիզիոն վերոհիշյալ ԶՀՀ:

Այս համատեքստում PanARMENIAN.Net -ը հարցում է ուղղել ՀՀ պաշտպանության նախարարություն, թե արդյոք «Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագիրը նախատեսում է ՀՕՊ որևէ համակարգի անվճար տրամադրումը ՀՀ-ին:

Սկզբնաղբյուրը նշում է, որ չնայած հարցումը վերաբերում էր ցանկացած ՀՕՊ համակարգի անվճար տրամադրման հնարավորության մասին, պատասխանը ստացել են Ս-300 համալիրի մասով:

Հարցմանն ի պատասխան, ՀՀ ՊՆ աշխատակազմի ղեկավար Գառնիկ Հայրապետյանը տեղեկացրել է, որ համաձայնագրով չի նախատեսվում Հայաստանի Հանրապետությանը Ս-300 զենիթային հրթիռային համալիրների անվճար տրամադրում:

Միաժամանակ տեղեկացվել է, որ հետագայում հնարավոր է փոխգործակցության և փոխօգնության ցանկացած զարգացում, կապված իրավիճակի փոփոխությունից:

Առաջին անգամ Ս-300 զենիթային հրթիռային համալիրները ցուցադրվել են 2011թ.-ի ՀՀ ռազմական շքերթի ժամանակ: Հայաստանն ունի առնվազն 3 դիվիզիոն Ս-300ՊՏ ու 2 դիվիզիոն Ս-300ՊՍ: Դրանք, հավանաբար, ձեռք են բերվել 2007-2008թթ. ընթացքում:

«Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագիրը ստորագրվել է 2015 թվականի դեկտեմբերի 23-ին Մոսկվայում:

Նշենք, որ այսօր մեկնարկած Ազգային Ժողովի արտահերթ նստաշրջանի օրակարգում ներառված է 2015 թվականի դեկտեմբերի 23-ին Մոսկվայում ստորագրված «Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագրի վավերացումը:


ԼՂՀ ՊՆ. Հակառակորդը հրաձգային զինատեսակներից արձակել է մի քանի ոչ թիրախային կրակոցներ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար