Caucasus Heritage Watch. Շուշիի կերպարվեստի թանգարանի պուրակից անհետացել են քանդակները

«Կովկասյան ժառանգության պաշտպանություն» միջազգային կազմակերպության (Caucasus Heritage Watch) հաղորդմամբ, Շուշիի կերպարվեստի թանգարանի Զբոսայգուց անհետացել են քանդակները:

Արբանյակային լուսանկարները ցույց են տալիս, որ ապրիլի 10-ից հունիսի 5-ն ընկած ժամանակահատվածում Շուշիի կերպարվեստի թանգարանի այգուց 51 քանդակը հեռացվել է, իսկ տարածքն ամբողջությամբ մաքրվել է: CHW մտահոգված է այդ արվեստի ստեղծագործությունների ճակատագրով, որոնք պատկանում են այս թանգարանին, ասվում «Կովկասյան ժառանգության պաշտպանություն» միջազգային կազմակերպության հայտարարության մեջ:

Կազմակերպությունը դիմում է ադրբեջանական իշխանություններին՝ խնդրելով բացահայտել բռնագրավված քանդակների գտնվելու վայրը և տեղեկացնել, թե ինչպես են դրանք հասանելի լինելու հանրությանը:

«Արդյոք քանդակագործի հեղինակները ներգրավված են եղել քանդակների հեռացման գործընթացում եւ արդյոք դրանց տեղափոխումը համապատասխանում է Չապման Թեյլորի նոր գլխավոր պլանին»,- ասված է Caucasus Heritage Watch-ի ուղերձում։