Ադրբեջանի ԶՈւ-ն սպառնացել է սպանել մի խումբ իսպանացի լրագրողների. RSF

«Լրագրողներ առանց սահմանների» միջազգային իրավապաշտպան կազմակերպությունը (RSF) հայտարարում է, որ Ադրբեջանի զինված ուժերը սպառնացել են սպանել մի խումբ իսպանացի լրագրողների Գեղարքունիքի մարզում:

Կազմակերպությունը խստորեն դատապարտում է լրագրողների նկատմամբ այս անթույլատրելի արարքը։

«Ադրբեջանական զինուժը մահվան սպառնալիքներ է հնչեցրել իսպանացի լրագրողների խմբի հասցեին, երբ նրանք լուսաբանել են Գեղարքունիքի մարզի Ադրբեջանի հետ սահմանից ոչ հեռու գտնվող դիրքում տիրող իրավիճակը։ RSF խստորեն դատապարտում է այս անթույլատրելի արարքը լրագրողների նկատմամբ», - ասված Է կազմակերպության Twitter-ի հաղորդագրության մեջ: