Փաշինյանը հնչեցրել է իր կուսակցության մանդատների թիվը

Վարչապետի պաշտոնակատար Նիկոլ Փաշինյանը, որը գլխավորում է «Քաղաքացիական պայմանագիր» կուսակցության նախընտրական ցուցակը, հայտարարել է, որ նորընտիր խորհրդարանում ունենալու են սահմանադրական մեծամասնություն:

«Այսպիսով, Կենտրոնական ընտրական հանձնաժողովի հրապարակած ընտրությունների նախնական արդյունքների համաձայն, «Քաղաքացիական պայմանագիր» կուսակցությունը նորընտիր խորհրդարանում կունենա սահմանադրական մեծամասնություն (առնվազն 71 պատգամավոր 105-ից) եւ իմ գլխավորությամբ կառավարություն կձեւավորի», - գրել է Փաշինյանը Twitter-ում:

VERELQ-ը հիշեցնում է, որ հունիսի 20-ին Հայաստանում տեղի ունեցան արտահերթ խորհրդարանական ընտրություններ։ Ընտրողների ցուցակներում ընդգրկված է եղել 2 մլն 593 հազար 572 մարդ։ Ընտրություններին մասնակցել է 21 կուսակցություն եւ 4 դաշինք, ընդամենը 2510 թեկնածու:

Ըստ ԿԸՀ-ի ամփոփ տվյալների՝ Հայաստանի վարչապետի պաշտոնակատար Նիկոլ Փաշինյանի «Քաղաքացիական պայմանագիր» կուսակցությունը հավաքել է 53,92 տոկոս (687 251), Հայաստանի նախկին նախագահ Ռոբերտ Քոչարյանի «Հայաստան» դաշինքը՝ 21,04 տոկոս (268 165):