28.03.2024
Լույս է տեսել Սարգիս Վարագի Սարգսյանի մասին մենագրությունը
prev Նախորդ նորություն

Նորություններ գործընկերներից

ԳՇ-ն դատապարտում է զինծառայողներին քաղաքական գործընթացներում ներգրավելու փորձերը

ՀՀ զինված ուժերի գլխավոր շտաբը դատապարտում է զինծառայողներին քաղաքական գործընթացներում ներգրավելու փորձերը։


«Արմենպրես»-ի հետ զրույցում այս մասին ասաց ԶՈւ գլխավոր շտաբի վարչակազմակերպչական վարչության տեղեկատվության բաժնի պետ, գնդապետ Սամվել Ասատրյանը՝ անդրադառնալով սոցիալական ցանցերով տարածվող այն տեսանյութին, որում N զորամասի զինծառայողները հայտարարում են, որ սատարում են «Հայաստան» դաշինքին։


«Զինվորը ցանկացած պարագայում պարտավոր է կատարել վերադասի հրամանը, և այս պարագայում, մեր կարծիքով, պարզապես կատարվել է հրաման՝ անկախ այն հանգամանքից, թե արդյոք տեսանյութում հնչած միտքը արտացոլում է նրանց ցանկությունը, թե ոչ։


Զինծառայողներին քաղաքական գործընթացների մեջ ներքաշելը դատապարտելի է, և մեղավորները կպատժվեն օրենքով սահմանված կարգով․ մանրամասները կպարզվեն ծառայողական քննության արդյունքում»,- նշեց գնդապետ Սամվել Ասատրյանը։


Մինչ այդ Արցախի պաշտպանության բանակը հայտարարություն է տարածել՝ նշելով, որ Հայաստանում կայանալիք արտահերթ ընտրություններին ընդառաջ ՊԲ-ում նկատվում են նախընտրական քարոզչության դեպքեր։ Արցախի պաշտպանական գերատեսչությունը դատապարտում է բոլոր նման միտումները և նշում է, որ մեղավորները կրելու են օրենքով սահմանված պատասխանատվություն։


 

Փաշինյանի հավաքին ներկա են եղել մուրճը ձեռքին մասնակիցներ. ՄԻՊ-ն ահազանգում է
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար