ԱՄՆ-ն իր քաղաքացիներին խորհուրդ է տվել չայցելելել Հայաստան և Ադրբեջան. ի՞նչ է դա նշանակում
ԱՄՆ-ն իր քաղաքացիներին խորհուրդ է տվել չայցելելել Հայաստան և Ադրբեջան։ Ի՞նչ է դա նշանակում: Քաղաքագետ-միջազգայնագետ Սուրեն Սարգսյանը փորձեց այս հարցին պատասխանել։
«Ավելորդ լարվածությունից խուսափելու համար զուտ փաստեր շարադրեմ.
1. Նման զգուշացումները լինում են հերթական և արտահերթ:
2. 44 օրյա պատերազմից 2 օր առաջ նման զգուշացում եղավ:
3. Դրան նախորդել էին ադրբեջանաթուրքական զորավարժությունները և սահմանի երկայնքով ադրբեջանական զորքի կուտակումները:
4. Հիմա կարծես զորքի կուտակում չկա, բայց կա լուրջ լարվածություն:
5. Այս զգուշացումը տարածվում է մեր ՊՆ-ի հայտարարությունից հետո:
6. Այս թեմայով երկու օր առաջ ազգային անվտանգության հարցերով ԱՄՆ նախագահի խորհրդական Սալիվանը խոսել է Ալիևի և Փաշինյանի հետ:
Այս պահին դեռ այսքանը», - նշում է նա ֆեյսբուքյան իր էջում:
ԱՄՆ պետդեպի հայտարարությունը
ԱՄՆ պետդեպարտամենտը Հայաստանի համար վտանգավորության չորրորդ մակարդակ է սահմանել՝ «մի ուղևորվեք Հայաստան» կորոնավիրուսի հետ կապված իրավիճակի և որոշ ոլորտներում բարձր ռիսկի պատճառով։
Պետդեպարտամենտի կայքում ճշտվում է, որ Հիվանդությունների վերահսկման եւ կանխարգելման կենտրոններն արձանագրել են երկրում կորոնավիրուսի բարձր մակարդակը, COVID-19-ի պատճառով կան սահմանափակումներ, որոնք ազդում են Հայաստան ամերիկացիների մուտքի վրա:
Հարկ է նշել, որ վտանգի նման մակարդակ է սահմանվել նաեւ Ադրբեջան եւ Վրաստան ուղեւորությունների համար: