Հայկական մշակութային ժառանգությունն Արցախում վտանգված է. դիմել են ՅՈՒՆԵՍԿՕ-ին

Ուկրաինայի հայերի միությունը նամակ է հղել ՅՈՒՆԵՍԿՕ-ին՝ կապված Արցախում հայկական ժառանգության նկատմամբ իրականացված վանդալիզմի հետ:

Ինչպես հաղորդում է AnalitikaUA.net-ը, Ուկրաինայի հայերի միությունը նամակ է հղել ՅՈՒՆԵՍԿՕ-ի ուշադրությունն Արցախում հայկական մշակութային ժառանգության վրա հրավիրելու խնդրանքով, որն այս պահին վտանգված է:

Արցախի Հանրապետությունում գոյություն ունեն հայկական պատմության և մշակույթի ավելի քան 3000 հուշարձաններ, այդ թվում՝ 500-ից ավելի քրիստոնեական եկեղեցիներ, ինչպես նաև նախաքրիստոնեական դարաշրջանի տասնյակ հուշարձաններ։ Այդ հուշարձաններից ամենահները 2 հազար տարեկան են (Տիգրանակերտի ամրոցը)։