Սա բարբարոսություն է, աշխարհը պետք է արձագանքի. Լիլիթ Մակունց

Այն, ինչ կազմակերպվում է Ադրբեջանի ղեկավարության կողմից, միայն կարելի է որակել որպես ռասիստական պետության քաղաքականություն, որն ունի էթնիկ ատելություն հայության նկատմամբ: Այս մասին մայիսի 4-ի ԱԺ նիստում հայտարարեց "Իմ քայլը" խմբակցության ղեկավար Լիլիթ Մակունցը՝ անդրադառնալով Շուշիի  Ղազանչեցոց Սուրբ Ամենափրկիչ եկեղեցու շուրջ վերջին զարգացումներին:


"Այլ բառով որակել Ադրբեջանի ղեկավարության քաղաքականությունը, քան բարբարոսությունն է, հնարավոր չէ",- ասաց նա: 


Մակունցի ոխսքով, սա մի պետության քաղաքականություն է, որը տպավորություն է թողնում, որ այդ մարդիկ չունեն մշակութային պատմություն եւ հենց նման մոտեցմամբ էլ վերաբերվում են հայկական մշակույթին` փորձելով վերացնել բոլոր հետքերը:


"Կարծում եմ` այս հարցը պետք է լինի բոլոր միջազգային կառույցների ուշադրության կենտրոնում: Այս հարցը նաեւ պետք է լինի Մինսկի խմբի համանախագահության ուշադրության կենտրոնում` հետագա լուծումների առումով, որովհետու հայության նկատմամբ էթնիկ ատելությունը չի կարող չունենալ արձագանք",- հավելեց պատգամավորը:


VERELQ-ը հիշեցնում է, որ Ադրբեջանը վերանորոգման անվան տակ հանել է ՍԲ Ղազանչեցոց Ամենափրկիչ եկեղեցու գմբեթները։

Տպել

Թեմայի այլ նորություններ
Загрузка...