Ադրբեջանում գտնվող հայ գերիների հարազատները փակել են Երևան-Գյումրի երկաթգիծը

Ադրբեջանում գտնվող հայ գերիների հարազատները փակել են Երևան-Գյումրի երկաթգծի Իսահակյան-Բայանդուր հատվածը, ինչի հետևանքով խախտվել է Երևան-Գյումրի կանոնավոր ուղևորափոխադրումների գրաֆիկը:

Այս մասին հայտնել է «Հարավկովկասյան երկաթուղի» ընկերության մամուլի պատասխանատու Ռուբեն Գրձելյանը։

VERELQ-ը տեղեկացրել է, որ այսօր վաղ առավոտից գերիների հարազատները փակել են Շիրակի մարզ մտնող բոլոր ճանապարհները։ Նրանք հայտարարել են, որ փակ են պահելու ճանապարհը մինչև երեխաներին չբերեն։ Խոսքը, պարզաբանել են նրանք, 54 զինծառայողների մասին է։