29.03.2024
Նոր պատգամավոր և նոր փոխնախարարը. Սուրեն Գրիգորյանը վայ է դնում մանդատը
prev Նախորդ նորություն

Նորություններ գործընկերներից

Դեսպան Մինասյանը Ռումինիայի Սենատի նախագահին ներկայացրել է Արցախի դեմ Ադրբեջանի ագրեսիան

Ռումինիայում Հայաստանի Հանրապետության դեսպան Սերգեյ Մինասյանը հանդիպել է Ռումինիայի Սենատի նախագահ Անկա Դրագուին։ «Արմենպրես»-ին այս մասին հայտնեցին Ռումինայում ՀՀ դեսպանությունից:


Շնորհավորելով տիկին Դրագուին պաշտոնի ստանձնման կապակցությամբ՝ դեսպանը զրուցակցին ներկայացրել է նախորդ տարիներին Ռումինիայի և Հայաստանի միջև միջխորհրդարանական երկխոսության դրական դինամիկան։


Ռումինիայի Սենատի նախագահը հույս է հայտնել, որ համավարակի աստիճանական հաղթահարման հետ մեկտեղ այս տարի հնարավոր կլինի վերականգնել միջխորհրդարանական համագործակցության նախահամավարակային ակտիվությունը։ Զրուցակիցները կարևորել են ՀՀ-ԵՄ համապարփակ և ընդլայնված գործընկերության համաձայնագրի (ՀԸԳՀ) ուժի մեջ մտնելը և հույս են հայտնել, որ այն երկու կողմերի համար նոր հնարավորություններ կստեղծի։


Դեսպան Սերգեյ Մինասյանը ներկայացրել է 2020թ. աշնանը Արցախի դեմ Ադրբեջանի ագրեսիան, դրանում Թուրքիայի մասնակցությունը՝ ընդգծելով, որ եվրոպական անմիջական հարևանության տարածքում հակամարտություններն ուժով կարգավորելու Թուրքիայի և Ադրբեջանի գործողություններն ուղղակիորեն հակասում են եվրոպական արժեքներին։


Դեսպան Մինասյանն անդրադարձել է նաև Ադրբեջանում պահվող հայ ռազմագերիների և պատանդների վերադարձի, հայկական պատմամշակությային ժառանգության պահպանության հրատապության հարցերին։


Միաժամանակ, դեսպան Մինասյանը գոհունակությամբ հիշատակել է Արցախի բնակչությանը Կարմիր խաչի միջազգային կոմիտեի միջոցով Ռումինիայի աջակցության մասին։


Ռումինիայի Սենատի նախագահը նշել է, որ Ռումինիան շարունակում է ուղղություններ փնտրել հակամարտությունից տուժածներին աջակցություն ցուցաբերելու հարցում՝ հավելելով, որ Ռումինիան աջակցում է ԵԱՀԿ Մինսկի խմբի համանախագահների ձևաչափով բանակցությունների շարունակումը։


Կողմերը գոհունակությամբ ընդգծել են հայ և ռումինացի ժողովուրդների դարավոր բարեկամությունը, հայ համայնքի կարևոր դերը Ռումինիայի պատմության ընթացքում։ Քննարկվել են Հայաստանի և Ռումինիայի միջև դիվանագիտական հարաբերությունների հաստատման 30-ամյակին նվիրված միջոցառումները և երկուստեք հավաստիացումներ են հնչել միջխորհրդարանական շփումներն ակտիվացնելու ցանկությունների մասին։


Հանդիպման ավարտին տիկին Դրագուն ՀՀ դեսպանին ներկայացրել է նաև Սենատում անցկացվող ընտանեկան բռնությանը նվիրված ցուցադրությունը։ Կողմերը համաձայնել են, որ քաղաքական և սոցիալական հակամարտությունների ժամանակ կանայք և երեխաներն ամենախոցելի խմբերից են և կարիք ունեն հատուկ պաշտպանության։

Գարուն է. օդի ջերմաստիճանն աստիճանաբար կբարձրանա 6-8 աստիճանով
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար