Արա Այվազյանն ընդունել է Հայաստանում Ճապոնիայի դեսպան Ջուն Յամադային

Մարտի 24-ին ԱԳ նախարար Արա Այվազյանն ընդունեց Հայաստանում Ճապոնիայի դեսպան Ջուն Յամադային ՝ դիվանագիտական առաքելության ավարտի կապակցությամբ: Այս մասին տեղեկացնում է ՀՀ ԱԳՆ մամուլի ծառայությունը։

Հայաստանի արտգործնախարարը շնորհակալություն հայտնեց դեսպանին հայ-ճապոնական հարաբերությունների ամրապնդման գործում ունեցած ներդրման համար և հաջողություններ մաղթեց նրան հետագա գործունեության մեջ: