Ընտրական նոր օրենսգիրքը կընդունվի ԱԺ արտահերթ նիստում

Մայիսի 25-ին, ժամը 12:00-ին Ազգային Ժողովը արտահերթ նիստ կգումարի: Համապատասխան որոշումն ընդունվեց Կառավարության այսօրվա նիստում:

ՀՀ կառավարության աշխատակազմի ղեկավար-նախարար Դավիթ Հարությունյանը նշեց, որ գործադիրի առաջարկով` նիստի օրակարգում երեք հարց է ընդգրկված. ՀՀ Ընտրական օրենսգրքի երրորդ ընթերցումամբ հաստատելու մասին որոշումը, ՀՀ Աշխատանքային օրենսգրքում փոփոխություններ և լրացումներ կատարելու մասին նախագիծը, որի նպատակն է աշխարհազորայիններին աշխատանքային արտոնություններ տալ, ՀՀ լիցենզիաների մասին օրենքում փոփոխություններ և լրացումներ կատարելու մասին նախագիծը: